विदेश

नवी दिल्ली, आम्हाला आशा आहे, की पाकिस्तान कुलभूषण जाधवप्रकरणाचा खटला आंतरराष्ट्रीय न्यायालयात नक्कीच जिंकेल, असा विश्वास पाकिस्तानचे परराष्ट्रमंत्री शाह मेहमूद कुरेशी यांनी आज (गुरुवार) व्यक्त केला. भारताचे नौदलातील माजी अधिकारी कुलभूषण जाधव गेल्या काही महिन्यांपासून पाकिस्तानच्या कारागृहात शिक्षा भोगत आहेत. त्यांच्यावर कथित हेरगिरीचा आरोप करण्यात आला असून, या आरोपाखाली जाधव पाकिस्तानात आहेत. पाकिस्तानच्या लष्करी न्यायालयाने कुलभूषण जाधव यांना फाशीची शिक्षा सुनावली. त्यानंतर भारताने या शिक्षेविरोधात आंतरराष्ट्रीय न्यायालयात दाद मागितली. न्यायालयाने या फाशीच्या शिक्षेला स्थगिती दिली आहे. आता पाकचे परराष्ट्रमंत्री कुरेशी यांनी कुलभूषण जाधवप्रकरणाचा खटला पाकिस्तान आंतरराष्ट्रीय न्यायालयात नक्कीच जिंकेल, असे स्पष्ट केले. याबाबत कुरेशी यांनी सांगितले, की ''आमच्याकडे कुलभूषण जाधव यांच्याविरोधा

हॅम्बर्ग, नोटाबंदी, बेरोजगारी आणि जीएसटीमुळे भारतात जमावाकडून करण्यात येत असलेल्या हत्यांमध्ये (लिंचींग) वाढ झाल्याची जोरदार टीका काँग्रेस अध्यक्ष राहुल गांधी यांनी केली आहे. द्वेषाला प्रेमानेच जिंकता येऊ शकते, त्यामुळेच पंतप्रधान नरेंद्र मोदींना मिठी मारल्याचे राहुल गांधी यांनी यावेळी स्पष्ट केले. बेरोजगारीचे वाढते प्रमाण, नोटाबंदीमुळे लहान व्यवसाय भरकटणे तसेच जीएसटीची अयोग्य प्रकारे अंमलबजावणी या प्रकारांमुळे मारहाणीचे व हत्यांचे प्रमाण वाढले आहे, असा आरोप राहुल यांनी सरकारवर केला. पंतप्रधान नरेंद्र मोदी यांनी चुकीचे निर्णय घेऊन भारताची अर्थव्यवस्था खिळखिळी केली आहे. नोटाबंदीमुळे मध्यम व लघु व्यवसाय बंद पडले. देशात अनेकांचे व्यवसाय बंद पडल्याने बेरोजगारीत वाढ झाली. तसेच जीएसटी योग्य प्रकारे लागू न केल्याने गोंधळ जास्त वाढला व यातूनच संताप व नाराजी वाढून समाजात हत्यांचे प्रमाण वाढले आहे

इस्लामाबाद, पाकिस्तानचे भावी पंतप्रधान इम्रान खान यांनी अटल बिहारी वाजपेयी यांच्या निधनावर शोक व्यक्त केला आहे. ‘भारत आणि पाकिस्तानमध्ये शांतता प्रस्थापित करणे हाच वाजपेयींचा खरा सन्मान ठरेल, असे इम्रान खान यांनी म्हटले आहे. माजी पंतप्रधान आणि भारतीय जनता पक्षाचे लोकप्रिय नेते अटलबिहारी वाजपेयी यांचे गुरुवारी सायंकाळी पाच वाजून पाच मिनिटांनी दिल्लीतील ‘अखिल भारतीय आयुर्विज्ञान संस्थे’च्या (एम्स) रुग्णालयात दीर्घ आजाराने निधन झाले. ते ९३ वर्षांचे होते. पाकिस्तानशी संबंध सुधारण्यासाठी वाजपेयी यांनी फेब्रुवारी १९९९ मध्ये थेट लाहोरची बस यात्रा केली होती. यापार्श्वभूमीवर पाकिस्तानचे भावी पंतप्रधान इम्रान खान यांनी अटल बिहारी वाजपेयी यांच्या निधनावर प्रतिक्रिया दिली. अटल बिहारी वाजपेयी यांच्या निधनावर शोक व्यक्त करत इम्रान खान पुढे म्हणाले, भारत- पाकिस्तानमध्ये राजकीय मतभेद आहे. पण दोन्ही देशा

इस्लामाबाद, पुढील आठवड्यात पाकिस्तानच्या पंतप्रधान पदाची शपथ घेणाऱ्या इम्रान खान यांनी भारताचे पाकिस्तानमधील राजदूत अजय बिसारीया यांची भेट घेऊन भारत-पाकिस्तान संबंधांवर चर्चा केली. काश्मिरसारख्या अति महत्त्वाच्या मुद्यावरही त्यांच्यात चर्चा झाली. पाकिस्तानचे नवे पंतप्रधान झाल्याने क्रिकेटपटू इम्रान खान यांना भारतीय राजदूत अजय बिसारीया यांनी शुभेच्छा दिल्या. तेहरीक-ए-इन्साफ पक्षाचे प्रमुख इम्रान खान हे पुढील आठवड्यात पाकिस्तानच्या पंतप्रधान पदाची अधिकृत शपथ घेतील. याच निमित्ताने खान व बिसारीया वाढता दहशतवाद, सीमेवरील वाढता तणाव व घुसखोरी यांवर चर्चा झाली. या भेटीत भारत-पाकिस्तानमधील संबंधावर सर्व विषयांवार द्विपक्षीय चर्चा पुन्हा सुरू झाली. तसेच काश्मिर विषयावरही चर्चा झाली. काश्मिरमधील मानवाधिकाराच्या उल्लंघनावरही खान व बिसारीया यांच्यात चर्चा झाली, असे तेहरीक-ए-इन्साफ पक्षाच्या प्रवक्त्

क्वेट्टा, पाकिस्तानात सार्वत्रिक निवडणुकांसाठी सुरु असलेल्या मतदानादरम्यान, क्वेट्टा शहरात भीषण स्फोट झाल्याचे वृत्त असून यात २५ जण ठार झाले आहेत. तर २० पेक्षा अधिक लोक जखमी झाले आहेत. येथील एका मतदान केंद्रावर असलेल्या पोलिसांच्या बुथला टार्गेट करीत हा हल्ला करण्यात आल्याचे प्रत्यक्षदर्शींनी सांगितल्याचे सुत्रांकडून कळते. पाकिस्तानच्या बलुचिस्तान प्रांतातील क्वेट्टा येथील इस्टर्न बायपास जवळ हा स्फोट झाला असल्याचे पाकिस्तानातील माध्यमांनी वृत्त दिले आहे. पाकिस्तानसाठी आज महत्वाचा दिवस असून येथे सार्वत्रिक निवडणुकांसाठी मतदान सुरु आहे. देशाचा पंतप्रधान निवडण्यासाठी मतदार मोठ्या प्रमाणावर मतदानासाठी घरातून बाहेर पडले आहेत. दरम्यान, अनेक हिंसक घटना घडल्या आहेत. एनए-२६० या मतदान केंद्रावर हा हल्ला झाला आहे. पोलिसांच्या माहितीनुसार, क्वेट्टा शहरात घडलेल्या भीषण स्फोटात मृत्युमुखी पडलेल्यांची

शिकागो, 26/11 मुंबई हल्ल्याचा आरोपी पाकिस्तानी अमेरिकी डेव्हिड कोलमन हेडलीवर अमेरिकेतील शिकागो तुरुंगात जीवघेणा हल्ला झाला आहे.या हल्ल्यात  तो गंभीर जखमी असल्याचे सांगितले जात आहे. त्याला शिकागोच्या नॉर्थ अॅवेस्टन रुग्णालयात दाखल करण्यात आले आहे. तेथे त्याची मृत्यूशी झुंज सुरू आहे. दोन कैद्यांनी हेडलीवर 8 जुलै रोजी हा गंभीर हल्ला केला होता. अमेरिकी नागरिक हेडली हा पाकिस्तानची गुप्तचर संस्था आयएसआयसोबत काम करत होता. तो 26/11 मुंबई हल्ल्याच्या मुख्य सूत्रधारांपैकी एक आहे.हल्ल्यात गंभीर जखमी हेडलीला शिकागोच्या नॉर्थ अॅवेस्टन हॉस्पिटलमध्ये दाखल करण्यात आले आहे. त्याला अतिदक्षता विभागामध्ये ठेवण्यात आले आहे. शिवाय त्याच्यावर 24 तास निगराणीही ठेवली जात आहे. हेडलीवर हल्ला करणारे  दोघेही सख्खे  भाऊ आहेत. ते दोघेही पोलिस कर्मचाऱ्यांवर हल्ल्याच्या आरोपात तुरुंगात आहेत. त्यांना १० वर्षांपूर्वी एका प

नवी दिल्ली, फरार उद्योगपती विजय मल्ल्याने त्याची ब्रिटनमधील संपत्ती जप्त करण्याची कारवाईमध्ये कोर्टाच्या अधिकाऱ्यांना पूर्ण सहकार्य करणार असल्याचे म्हटले आहे. या जप्तीतून फार काही हाती लागेल असे वाटत नाही कारण तो सध्या ब्रिटनमधल्या ज्या आलिशान बंगल्यामध्ये राहतोय ते घर त्याच्या नावावर नाहीय. भारतीय बँकांचे नऊ हजारो कोटी रुपये बुडवून ब्रिटनला पसार झालेल्या विजय मल्ल्याच्या प्रत्यार्पणासाठी लंडनमधील कोर्टात खटला सुरु आहे. भारतीय बँकांनी त्याच्या दिवाळखोरीत गेलेल्या किंगफिशर एअरलाइन्सला कर्ज दिले होते. मल्ल्याच्या प्रत्यार्पणासंबंधीच्या खटल्यावर सप्टेंबरपर्यंत निकाल येण्याची शक्यता आहे. ब्रिटीश फॉर्म्युला वन ग्रँण्ड प्रिक्सच्या निमित्ताने प्रसारमाध्यमांशी बोलताना मल्ल्याने सांगितले कि, ब्रिटनमध्ये माझ्या नावावर जी संपत्ती आहे ती मी कोर्टाच्या अधिकाऱ्यांच्या ताब्यात देईन. पण कंट्री रेसीडन्स ह

नवी दिल्ली, 'ब्लूमबर्ग बिलियनर्स इंडेक्स'ने नुकतीच एक यादी प्रसिद्ध केली आहे. त्यानुसार, फेसबुकचा संस्थापक मार्क झुकेरबर्गने जगातील सर्वात श्रीमंत व्यक्तीच्या यादीत तिसरे स्थान पटकावले आहे. या यादीत त्याने वॉरेन बफेट यांना मागे टाकले आहे. या यादीनुसार, अॅमेझॉनचे संस्थापक जेफ बेजॉस आणि मायक्रोसॉफ्टचे सहसंस्थापक बिल गेट्स हे दोघे मार्क झुकेरबर्गच्या पुढे आहेत. फेसबुकच्या शेअरमध्ये 2.4 टक्के वाढ झाल्याने झुकेरबर्गच्या संपत्तीत वाढ झाली आहे. त्यामुळे झुकेरबर्गची संपत्ती आता 81.6 अब्ज डॉलरपर्यंत पोहोचली आहे. काही दिवसापूर्वीच झुकेरबर्ग यांनी बर्कशायर हॅथवे यांच्या संपत्तीशी बरोबरी साधली होती. गुंतवणूकदारांनी फेसबुकवर विश्वास दाखवल्याने झुकेरबर्ग यांच्या संपत्तीत प्रचंड वाढ झाली आहे.

इस्लामाबाद, पाकिस्तानातील सिंध प्रांतात पहिल्यांदाच मुस्लिम उमेदवारांना टक्कर देण्यासाठी हिंदू महिला रिंगणात उतरली आहे. 25 जुलै रोजी पाकमध्ये होणाऱ्या विधानसभा निवडणुकीत हिंदू महिला मुस्लिम उमेदवारांना आव्हान देत आपलं नशीब आजमावणार आहे. सुनीता परमार असं या 31 वर्षीय हिंदू महिलेचं नाव असून त्या मेघवार समुदयाच्या आहे. सुनीता या अल्पसंख्याक समुदयाच्या असून निवडणूक लढवत असल्याने पाकिस्तानात त्यांनी इतिहास रचला आहे. थारपरकर जिल्ह्यामधील सिंध विधानसभा मतदारसंघातील पीएस 56 साठी सुनीता यांनी अपक्ष  म्हणून उमेदवारी अर्ज दाखल केला आहे. पाकिस्तानातील सर्वात जास्त हिंदू हे याच विधानसभा मतदार संघात राहतात. आधीच्या सरकारने लोकांना दिलेली आश्वासनं पूर्ण केली नाहीत तसेच त्यांचं जीवनमान उंचावण्यातही ते असफल ठरले. त्यामुळेच येथील परिस्थिती सुधारण्यासाठी हा निर्णय घेतल्याचं सुनीता यांनी सांगितलं. एकविसाव्या

इस्लामाबाद, पाकिस्तानचे माजी पंतप्रधान नवाज शरीफ यांना १० वर्षांच्या तुरुंगवासाची तर त्यांच्या मुलीला अर्थात मरियमला मुलीला ७ वर्षांच्या तुरुंगवासाची शिक्षा ठोठवण्यात आली आहे. तर मुलाला एका वर्षाची शिक्षा ठोठावण्यात आली आहे. ‘एएनआय’ने या संदर्भातले वृत्त दिले आहे. आर्थिक गैरव्यवहार प्रकरणी ही शिक्षा ठोठावण्यात आली आहे. लंडन मधील बेहिशेबी मालमत्तेचे हे प्रकरण आहे. या प्रकरणात कोर्टाने नवाज शरीफ यांना ८० लाख पाऊंडचा दंड  आणि त्यांच्या मुलीला अर्थात मरियमला २ लाख पाऊंडचा दंड ठोठावला आहे. भ्रष्टाचार प्रकरणात ही शिक्षा सुनावण्यात आली आहे. न्यायालयाने या संदर्भातला निर्णय एक आठवडा उशीराने द्यावा यासंदर्भातली याचिका नवाज शरीफ यांनी कोर्टात दाखल केली होती. मात्र ही याचिका न्यायालयाने फेटाळली आहे. एवनफिल्ड हाऊस मध्ये ४ घरांच्या खरेदी संदर्भातला हा घोटाळा आहे. पाकिस्तानच्या अकाऊंटिबिलिटी कोर्टाने न